104-ամյա Մովսես պապը նոր անձնագիր ստացավ
![104-ամյա Մովսես պապը նոր անձնագիր ստացավ 104-ամյա Մովսես պապը նոր անձնագիր ստացավ](/timthumb?src=/resources/police/img/news/big/1345581971,17.jpeg&q=75&w=780&wm=1)
Օգոստոսի 17-ին ոստիկանության Վաղարշապատի անձնագրային բաժանմունքի նախաձեռնությամբ, բաժանմունքի պետ Անդրանիկ Ադամյանը հանդիսավոր պայմաններում ՀՀ քաղաքացու անձնագիր հանձնեց Մարշալ Բաղրամյան գյուղի ամենատարեց բնակչին' 104-ամյա Մովսես Դերմիշյանին:
Մովսես պապը երկու համաշխարհային պատերազմ ու ցեղասպանություն է տեսել: 1908թ ծնվել է Արևմտյան Հայաստանում, այնուհետև ընտանիքով գաղթել են Արևելյան Հայաստան:
Մարշալ Բաղրամյանի անունը կրող գյուղի առաջին բնակիչներից ու հիմնադիրներից է, գյուղի առաջին հողագործն ու շինարարը: Համագյուղացիները պատմում են, որ գյուղում առաջին խաղող պատվաստողը Մովսես պապն է եղել: Իսկ ինքը այսօրվա պես հիշում է, թե ինչպիսի դժվարությամբ, Ստալինյան տարիներին և Մարշալ Բաղրամյանի կենդանության օրոք անվանակոչեցին գյուղը:
Շնորհավորում ենք 104-ամյա Մովսես պապին նոր անձնագիր ստանալու առթիվ և մաղթում առողջություն: